O’r dosbarth i’r diwydiant ffilm, mae un o’n myfyrwyr eisoes yn helpu llywio dyfodol sut caiff ffilmiau eu dosbarthu yn y DU.
Rydym yn hynod falch o Bethan Carter, myfyriwr Cyfryngau yn chweched isaf Coleg Dewi Sant, am ei llwyddiant.
Mae hi wedi llwyddo i ennill lle ar Banel Ieuenctid y British Board of Film Classification mewn proses gystadleuol.
Mae’r panel yn casglu ynghŷd dim ond 44 o bobl ifanc o’r DU i rannu eu barn a dylanwadu sut caiff ffilmiau eu dosbarthiad oedran, a sut mae dosbarthu ffilm yn gweithio yn ymarferol.
Dysgodd Bethan, sy’n fyfyriwr Cyfryngau, am y BBFC ar ei chwrs yn y coleg, cyn gwneud ei hymchwil ei hun i ddarganfod mwy am y sefydliad.
Roedd rhaid ymwneud â phroses gystadleuol er mwyn gwneud cais i ymuno â Phanel Ieuenctid y BBFC, yn cynnwys creu fideo ohoni ei hun yn ateb cwestiynau am ffilmiau, a mynychu cyfweliad.
Gwnaeth ei hastudiaethau chwarae rhan bwysig yn ei pharatoadau.
“Onibai am y wers honno ar reoleiddiad, fyddwn i ddim wedi gwybod am y cwmni a’r holl waith sy’n rhaid ei wneud cyn i ffilm gael ei ryddhau yn swyddogol.”
Teithiodd Bethan i Lundain yn ddiweddar i ddechrau ei gwaith ar y panel. Yn ystod yr ymweliad, cymerodd hi ran mewn gweithgaredd dosbarthu ffilm, gan weithio gydag aelodau eraill y panel i benderfynu pa dystysgrif y dylai ffilm ei derbyn.
Cafodd hi gyfle i sgwrsio â’r cyfwelydd adnabyddus, Ali Plumb, a holi cwestiynau am ei waith yn y diwydiant ffilm.
Yn nes ymlaen cwrddodd Bethan â Llywydd y BBFC, Natasha Kaplinsky, a siaradodd am bwrpas y Panel Ieuenctid.
Bydd Bethan yn parhau i weithio gyda’r panel dros y misoedd nesaf, gan gyfrannu at drafodaethau a pharhau i ddysgu am sut mae ffilmiau’n cael eu dosbarthu.
Rydym yn falch iawn o gyflawniad Bethan a’r ffordd mae hi wedi tynnu sylw at sut gall myfyrwyr Coleg Dewi Sant gymhwyso eu dysgu mewn lleoliadau yn y byd go-iawn.