Gwyddoniaeth Feddygol

Cymhwyster

Diploma CBAC

Canlyniadau

Gradd A* - C: 93.5%

Bwrdd Arholi

CBAC

Mae’r Diploma mewn Gwyddoniaeth Feddygol yn gyfwerth ag un Lefel A. Mae’r cwrs yn ymdrin â chynnal iechyd ac atal a thrin clefydau. Bydd myfyrwyr yn caffael y wybodaeth, dealltwriaeth, a sgiliau mewn egwyddorion gwyddonol allweddol i gefnogi cynnydd i Addysg Uwch neu gyflogaeth mewn meysydd fel gwyddorau ffisiolegol neu wasanaethau labordy clinigol. Mae’r cymhwyster yn cynnwys iechyd, ffisioleg, ffarmacoleg, mesur ffisiolegol, profion clinigol ac ymchwil feddygol.

  • Tystysgrif: Blwyddyn gyntaf y cwrs (50%)

    • 1 arholiad
    • 2 dasg dan reolaeth sy’n cael eu hasesu’n fewnol

    Uned 1: Iechyd Dynol a Chlefydau
    25% Arholiad Ysgrifenedig 

    Cynnwys: Egwyddorion Biolegol, Anatomi a ffisioleg ddynol, Ffordd o fyw ac Iechyd, Iechyd dynol.

    Uned 2: Technegau Mesur Ffisiolegol
    12.5% Asesiad dan reolaeth sy’n cael ei farcio’n fewnol

    Cynnwys: Swyddogaeth profion mesur ffisiolegol, gweithio gyda chleifion, gwneud profion mesur ffisiolegol, a riportio iechyd y claf.

    Uned 3: Dulliau Ymchwil Gwyddoniaeth Feddygol
    12.5% Asesiad dan reolaeth sy’n cael ei farcio’n fewnol

    Cynnwys: Deall egwyddorion ymchwilio i epidemioleg, casglu data ymchwil, dadansoddi data, a chyfathrebu canlyniadau’r ymchwil.

     

    Diploma: Ail Flwyddyn y cwrs  (50%)

    • 1 tasg dan reolaeth sy’n cael ei hasesu’n fewnol
    • 1 tasg ymarferol sy’n cael ei hasesu’n fewnol
    • 1 arholiad synoptig

    Uned 4: Meddyginiaethau a Thrin Clefydau
    25% Asesiad dan reolaeth sy’n cael ei farcio’n fewnol

    Cynnwys: Rheoli meddyginiaethau, ffarmacoleg feddygol, egwyddorion trin canser, a gweithio gyda thîm amlddisgyblaethol.

    Uned 5: Technegau Labordy Clinigol
    12.5% Asesiad dan reolaeth wedi’i farcio’n fewnol 

    Cynnwys: Egwyddorion profion clinigol, gwneud profion clinigol mewn labordy, a phrosesu data gan ddefnyddio profion clinigol.

    Uned 6: Astudiaeth Achos Meddygol 
    12.5% Arholiad Ysgrifenedig

    Cynnwys: Arholiad synoptig terfynol sy’n seiliedig ar gynnwys yr holl unedau. Astudiaeth achos ar glefyd neilltuol.

Mae gwyddonwyr meddygol ar flaen y gad o wasanaethau gofal iechyd, gan eu bod yn hanfodol wrth wneud diagnosis o glefyd, pennu effeithiolrwydd triniaethau a chwilio am feddyginiaethau newydd. Bydd y Diploma yn galluogi dilyniant i Addysg Uwch i amrywiaeth o raglenni Gwyddoniaeth Gymhwysol, megis gwyddoniaeth fiofeddygol, gwyddorau bywyd, a ffisioleg.

6 gradd C TGAU, gan gynnwys gradd CC yng Ngwyddoniaeth Ddwbl NEU radd C ym Mioleg. Rhaid hefyd gynnwys gradd yn TGAU mathemateg a gradd C yn TGAU Saesneg.

Gellir defnyddio gradd C mewn pwnc disgyrsiol megis Hanes, Astudiaethau Crefyddol neu Lenyddiaeth Saesneg yn lle Saesneg.