Ein Cenhadaeth:

Bod yn Goleg Catholig i’r gymuned, sy’n ceisio darganfod a gwireddu potensial llawn pawb mewn awyrgylch o gariad, gwasanaeth a pharch wedi’i ysbrydoli gan Grist.

Ein Gweledigaeth

Mae Coleg Chweched Dosbarth Dewi Sant yn ymdrechu i sefydlu a chynnal cymuned sy’n tystiolaethu gwerthoedd a chred Cristnogol, yn enwedig y rhai sy’n ymwneud ag urddas dynol a lles pawb. Rydym wedi ymrwymo i addysg y person cyflawn; gan werthfawrogi a dathlu unigrywiaeth pob unigolyn. Rydym am i’n myfyrwyr gyrraedd eu llawn potensial; potensial a roddir iddynt gan Dduw.

Rydym wedi ymrwymo i fod yn goleg sy’n cynnig diogelwch, cydraddoldeb a chynhwysiant i bawb sy’n astudio ac yn gweithio ynddo. Rydym yn ymdrechu i fod yn goleg lle mae pob myfyriwr, beth bynnag fo’i gefndir economaidd-gymdeithasol, ethnig neu ddiwylliannol, yn derbyn gofal, cymorth ac arweiniad o ansawdd uchel. Rydym yn gweithio i wneud gwahaniaeth mesuradwy i gyfleoedd bywyd ein myfyrwyr trwy roi strategaethau a chamau gweithredu ar waith gyda’r nod o leihau’r anghydraddoldebau y maent yn eu profi. Rydym yn gweithio i sicrhau bod ein myfyrwyr a’n staff yn teimlo’n unedig gan eu gwahaniaethau yn hytrach na wedi’u gwahanu; rydym am i amrywiaeth gael ei ddathlu.

Nid yw Coleg Chweched Dosbarth Dewi Sant yn goddef aflonyddu hiliol ac mae’n condemnio pob ymddygiad gwahaniaethol. Rydym wedi ymrwymo i herio a chael gwared ar bob enghraifft o hiliaeth drwy ein hymarferion, ein polisïau a’n gweithdrefnau.

Pa fath o Goleg ydym ni am fod?

Sy’n cynnig amgylchedd lle caiff dysgwyr eu grymuso i feithrin a dyfnhau eu perthynas â Duw a sy’n meithrin diwylliant o ragoriaeth academaidd. Lle caiff yr holl ddoniau a galluoedd eu cydnabod a’u dathlu, lle caiff cyfraniadau a chyflawniadau unigolion eu gwerthfawrogi.

Lle rydym ni’n helpu ein gilydd ac yn gweithio ar y cyd gyda brwdfrydedd a haelioni, gan geisio efelychu’r gwerthoedd Catholig rydym ni’n eu hyrwyddo.

Pam mae gwrth-hilliaeth yn bwysig i ni?

Mae Coleg Chweched Dosbarth Dewi Sant yn ymdrechu i sefydlu a chynnal cymuned sy’n tystiolaethu gwerthoedd a chred Cristnogol, yn enwedig y rhai sy’n ymwneud ag urddas dynol a lles pawb.

Mae Cynhadledd Esgobion Catholig Cymru a Lloegr yn nodi bod ‘hiliaeth yn bechod ac yn drais ar urddas dynol’ a hefyd bod ‘gan bob un o’n plwyfi, ein hysgolion a’n sefydliadau gyfrifoldeb i ymarfer gwrth-hiliaeth yn weithredol ym mhob agwedd ar ein cenhadaeth’.