Y tymor diwethaf, dathlodd Coleg Dewi Sant gysylltiadau rhyngwladol mewn amrywiaeth o ffyrdd, ar y campws a thu hwnt.
Yn ogystal â chroesawu myfyrwyr o Ffrainc, Japan a Pheriw, gwnaeth rhai o’n dysgwyr ein hunain daith unwaith mewn oes i ochr arall y byd.
Cyn gwyliau’r Pasg, gwnaeth 11 o’n myfyrwyr a dau aelod o staff y daith hir i Batagonia, yr Ariannin.
Roedd yn daith a oedd nid yn unig yn caniatáu i fyfyrwyr fwynhau eu hunain a gweld y byd ehangach, ond hefyd i ddysgu mwy am y gymuned Gymreig ym Mhatagonia.
Dechreuodd y trip gydag ymweliad i Borth Madryn, lle cyrhaeddodd y llong Mimosa ym mis Gorffennaf 1865.
Roedd y llong yn cludo 153 o deithwyr ynghyd â 18 o griw, dan arweiniad y Capten George Pepperell, gyda’r uchelgais o sefydlu gwladfa Gymreig.
I ddysgu mwy am hanes y ddinas, ymwelodd ein myfyrwyr â’r amgueddfa a Punta Cuevas—y safle hanesyddol lle bu’r ymsefydlwyr cynnar yn byw gyntaf.
Ar ôl gadael Porth Madryn, symudoedd ein teithwyr beiddgar i Drelew a’r ardal.
Yma, cafodd y dysgwyr gyfle i ymweld â Choleg Camwy, y Gaiman ac Ysgol Gynradd y Gaiman.
Mynychodd y grŵp wersi Cymraeg yn y ddau sefydliad, gan gael cipolwg ar sut mae’r iaith Gymraeg yn parhau i gael ei defnyddio ar ochr arall y byd.
Roedd amser hefyd i archwilio ardal Trelew.
Gwelson nhw eitemau a ddaeth y mudwyr cyntaf gyda hwy mewn amgueddfa leol, ac ymweld ag amgueddfa ddeinosoriaid enwog lleol, diolch i argymhelliad y Maer.
Yn dilyn taith fws dros nos ar draws y paith, cyrhaeddodd ein dysgwyr eu cyrchfan nesaf: Esquel.
Yma, ymwelson nhw â Laguna La Zeta, gwarchodfa natur syfrdanol, yn ogystal â’r cymdeithasau Cymraeg yn Esquel ac Ysgol y Cwm yn Nhrefelin.
Yn olaf, i gloi’r daith, teithiodd y grŵp i brifddinas yr Ariannin, Buenos Aires.
Ymhlith uchafbwyntiau’r ymweliad hwn roedd taith i La Boca, Ysgol Boca Juniors, a phrofi sioe Tango draddodiadol.
Drwy gydol y daith, cyfarfu myfyrwyr ag eraill oedd yn dysgu Cymraeg filoedd o filltiroedd o Gymru, gan gael cipolwg unigryw ar dreftadaeth ddiwylliannol y wlad dramor.
Roedd yn brofiad ysbrydoledig i bawb a oedd yn rhan ohono, gan adael myfyrwyr â gwerthfawrogiad dyfnach o’r iaith Gymraeg a’r gymuned Gymreig ym Mhatagonia.