Roedd Wythnos Genedlaethol Gyrfaoedd yn llwyddiant mawr yng Ngholeg Dewi Sant! Cafwyd digwyddiadau niferus a diddorol, siaradwyr gwybodus, a gweithgareddau ymarferol. Archwiliodd y myfyrwyr lwybrau gyrfa posibl drwy sesiynau rhyngweithiol. O gyfleoedd gyrfa i fyfyrwyr, i gyngor defnyddiol ar rwydweithio, darparodd yr wythnos gyfleoedd gwerthfawr i ddysgu gwybodaeth a meithrin cysylltiadau.
Dechreuodd yr wythnos gyda sesiwn ddefnyddiol ar rwydweithio. Rhannodd y siaradwr gwadd Alex Philips, pennaeth Marchnata, a’r cyn-fyfyriwr Kezie Hollingworth eu harbenigedd. Esbonion nhw sut mae rhwydweithio’n agor drysau mewn addysg ac mewn gyrfaoedd. Dysgodd y myfyrwyr gyngor ymarferol ar sut i feithrin rhwydweithiau proffesiynol tra yn y coleg. Mae hyn yn gosod sail ar gyfer llwyddiant. Tynnwyd sylw’r myfyrwyr at gyfleoedd gyrfa fel enghraifft o fantais rhwydweithio.
Dydd Mawrth roedd dau ddigwyddiad cyffrous wedi’u ffocysu ar yrfaoedd. Amser cinio cafodd myfyrwyr â diddordeb mewn diwydiannau creadigol archwilio cyfleoedd gwahanol. Dysgon nhw hefyd sut i gael troed yn nrws y diwydiant. Yn y cyfamser, mynychodd myfyrwyr L6 Iechyd a Gofal Cymdeithasol ddigwyddiad Mewnwelediad i Ofal Iechyd. Dysgon nhw wybodaeth gwerthfawr am ddatblygu gyrfa ym maes Gofal Iechyd. Trafodwyd y sgiliau sydd eu hangen ar gyfer llwyddiant yn y maes gwerth chweil hwn.
Bu cyffro mawr yn y neuadd ar y dydd Mercher. Roedd Ffair Yrfaoedd 2025 rhwng 12.30 a 14.00. Cafodd y myfyrwyr dro ar weithgareddau ymarferol a chael cipolwg ar fywyd go-iawn. Cynrychiolwyd sawl maes gyrfa. Gyda chynrychiolwyr proffesiynol o faes STEM, Busnes, Gwasanaethau Cyhoeddus a’r Diwydiannau Creadigol, roedd y Ffair yn gyfle penigamp. Archwiliodd y myfyrwyr lwybrau gyrfa amrywiol a rhyngweithio ag arbenigwyr o amryw ddiwydiannau.
Roedd popeth dydd Iau ynglŷn â pharatoi myfyrwyr ar gyfer y farchnad swyddi. Cynhaliwyd gweithdai galw-fewn yn ystod gwersi 1, 3 a 5. Derbyniodd myfyrwyr arweiniad ar ysgrifennu CV effeithiol. Cawson nhw adborth ar eu CV blaenorol hefyd. Dros ginio rhedodd yr adran AD weithdy ar sgiliau cyfweliad. Darparodd arbenigwyr gyngor ar sut i wneud argraff ar gyflogwyr. Y brif ffocws oedd datblygiad gyrfaoedd y myfyrwyr. Gadawodd y myfyrwyr wedi ennill sgiliau ymarferol i’w helpu i lwyddo.
I ddod â’r wythnos i ben, dathlodd Coleg Dewi Sant Ddiwrnod Rhyngwladol y Merched. Cafwyd trafodaeth banel gyda merched llwyddiannus o nifer o feysydd. Cadeiriwyd y panel gan fyfyriwr o’r chweched uchaf. Dyma’r panel:
Cafwyd trafodaethau ystyrlon rhwng y myfyrwyr a’r panel. Enillodd y myfyrwyr ddealltwriaeth newydd i heriau a llwyddiannau’r merched proffesiynol.
Darparodd Wythnos Genedlaethol Gyrfaoedd yng Ngholeg Dewi Sant gyfleoedd gwerthfawr iawn. Ymchwiliodd y myfyrwyr i yrfaoedd niferus, magu sgiliau allweddol, a chlywed gan bobl broffesiynol. Gwnaeth digwyddiadau’r wythnos i fyfyrwyr feddwl ac ystyried eu dyfodol. Cymeron nhw gamau ymarferol hefyd tuag at eu nod.
