Ymrestru yng Ngholeg Dewi Sant

Gall gymryd hyd at un awr i gwblhau dy sesiwn ymrestru, er gall yr amser amrywio yn dibynnu ar amgylchiadau unigol.

Wrth gyrraedd, gofynnwn am gopi o dy ganlyniadau. Byddwn yn gofyn i ti eistedd i aros i ni wneud copiau angenrheidiol, a threfnu aelod o staff i dy ymrestru di.

Bydd yr aelod o staff coleg yn gallu ateb unrhyw gwestiynau sydd gyda ti a darparu cyngor ac arweiniad am y dewisiadau gorau o gyrsiau i ti, gan ystyried dy ganlyniadau TGAU (ac unrhyw ganlyniadau eraill) dy ddiddordebau ac uchelgeisiau at y dyfodol.

Yn ystod dy sesiwn ymrestru, byddi di’n gwneud dewisiadau cwrs terfynol. Cofia bod amodau cyffredinol a phenodol i’r pynciau y bydd rhaid i ti fodloni.

Os gweli di’n dda dere â chopi o dy ganlyniadau TGAU (ac unrhyw gymhwyster arall)- os yn bosib un caled (papur) y gallwn ni ei gadw. 

Hefyd os gweli di’n dda dere ag unrhyw ganlyniadau TGAU o flwyddyn 10, efallai na chawsant eu nodi ar dy slip neu dystysgrif canlyniadau terfynol TGAU. Efallai na allwn ni dy ymrestru di hebddyn nhw.  

Os gweli di’n dda gwna bob ymdrech i ddod i dy sesiwn ymrestru penodol. Fodd bynnag, os na elli di gyrraedd, mae’r dewisiadau canlynol gyda ti:

• Anfon rhywun arall i ymrestru ar dy ran di (aelod o’r teulu rwyt ti’n ymddiried ynddynt, neu ffrind) ar yr amser a drefnwyd i ti; rhaid bod gyda nhw ebost neu lythyr sy’n dangos dy ganiatâd di, copi o dy ganlyniadau TGAU (ac arall) i ni eu cadw, a rhestr o’r cyrsiau rwyt ti eisiau ymrestru arnynt. Rydyn ni’n cynghori dylet ti fod ar gael i siarad ar y ffôn gyda’r person sy’n dy gynrychioli, rhag ofn bod angen trafod unrhyw rai o dy ddewisiadau.
• Ail-drefnu dy sesiwn ymrestru i amser gwahanol drwy ebostio  admissions@stdavidscollege.ac.uk. Rho wybod inni pryd rwyt ti ar gael i ddod i Goleg Dewi Sant rhwng dydd Gwener 26 Awst a chyn 12.00 dydd Mawrth, 26 Awst yn dy ebost.

Bydd dy sesiwn anwytho naill ai ar fore neu brynhawn dydd Mercher 3 Medi neu ddydd Gwener 5 Medi. Byddwn yn rhoi gwybod i ti pa un yw dy sesiwn anwytho di drwy ebost, ac yn ystod dy sesiwn ymrestru.

Bydd gwersi’n dechrau ddydd Llun 8 Medi am 9.05 y bore.

Bydd gwybodaeth am drafnidiaeth ar gael i ti yn ystod y Sesiwn Anwytho. Mae rhagor o wybodaeth am drafnidiaeth ar ein gwefan.  

Bydd dysgwyr o Fro Morgannwg yn cael teithio ar goets pan fydd y tymor yn dechrau ym mis Medi, wedi’i ddarparu gan Gyngor Bro Morgannwg. Dylet ti gysylltu â’r Cyngor cyn gynted â phosibl i ofyn am docyn bws ar gyfer y flwyddyn academaidd  er mwyn osgoi’r rhuthr ar ddechrau mis Medi.  

EMA / LCA(Lwfans Cynhaliaeth Addysg): Bydd pecyn ymgeisio a gwybodaeth ar gael yn ystod y sesiynau ymrestru ac anwytho.  

Bydd gwybodaeth hefyd ar gael am sut i ymgeisio am gymorth ariannol gan y Gronfa Ariannol wrth Gefn (Financial Contingency Fund) a Grant Dysgu’r Cynulliad (Assembly Learning Grant).