Ym mis Gorffennaf ac Awst 2023, aeth myfyrwyr Coleg Dewi Sant gydag Archesgobaeth Caerdydd ac Esgobaeth Mynyw ar bererindod am bythefnos i Ddiwrnod Ieuenctid y Byd yn Lisbon, Portiwgal. Mae Diwrnod Ieuenctid y Byd yn un o’r cynulliadau mwyaf o bobl yn y byd, ac mae fel arfer yn denu rhwng 2 a 4 miliwn o bobl ifanc sydd eisiau cael ymdeimlad o’r Eglwys Gyffredinol. Y thema oedd “Cododd ar frys a mynd ato ef”, dyfyniad o Efengyl Luc (1:39). Ymunodd Libby, Meg, Charlie, Aaron, Kezi, Thabo, a Dianella â’r Archesgob Mark O’Toole a dros hanner cant o bererinion eraill ar y daith.
Treuliwyd yr wythnos gyntaf yn Esgobaeth Porto, yn archwilio hanes diwylliannol cyfoethog a bywyd yr Eglwys o’u llety lleol yn nhref Aguda. Treuliwyd eu hail wythnos yn Fàtima, lle buont yn ymweld â safleoedd hanesyddol allweddol ac yn croesawu’r Pab Francis i wasanaeth gweddi cyhoeddus o flaen y Gysegr. Daeth y daith i ben gyda Diwrnod Ieuenctid y Byd ei hun, digwyddiad mawr a groesawodd tua 1.5 miliwn o bererinion i wylnos drwy’r nos gymunedol ac Offeren.
Disgrifiodd Meg yr wylnos fel uchafbwynt arbennig, a mynegodd gymaint roedd hi’n “gwerthfawrogi bod yna lawer o wahanol ffyrdd i bobl weddïo a bod yna lawer o ffyrdd y gall pobl ryngweithio â’i gilydd a rhannu eu barn”. Aeth Aaron i chwilio am gyfle i gwrdd â phobl newydd, archwilio gwlad newydd, ac i ddod yn nes at Dduw. Rhannodd Charlie sut roedd yn gyfle gwych i wneud ffrindiau newydd o bob rhan o’r DU a thu hwnt. Siaradodd bererin arall am sut mai’r tro cyntaf oedd y profiad hwn iddynt o du allan i’r DU, a byddai’n ei argymell i bobl ifanc eraill: “roedd yn brofiad anhygoel”.
Tra bod Diwrnod Ieuenctid y Byd nesaf ychydig flynyddoedd i ffwrdd, mae Coleg Dewi Sant eisoes yn trefnu cyfleoedd newydd ar gyfer pererindod a phrofiad ysbrydol rhyngwladol sy’n croesawu myfyrwyr o bob a dim ffydd. Cadwch lygad allan.
